संस्थेविषयी :
वेगाने बदलणाऱ्या आजच्या आधुनिक युगात महिला सबलीकरण वा महिला सशक्तीकरण हा महत्वाचा मुद्दा आहे. महिला सबलीकरण म्हणजे ती स्वत:चे निर्णय स्वत: घेऊ शकते आणि कोणाच्याही सहाय्याशिवाय जीवन जगू शकते. महिला सबलीकरण ही काळाची गरज आहे. परिस्थितीनुसार सर्व क्षेत्रात आमुलाग्र बदल होत आहेत. या सबलीकरणासाठी विविध कार्यक्रम व ध्येयधोरणे राबविले जात आहेत. त्यातून महिला विकासाचा तसेच महिलांच्या सामाजिक, आर्थिक, शैक्षणिक, राजकीय, वैचारिक, कौटुंबिक, व्यावसायिक अशा विविध घटकांचा विचार केला जात आहे. महिला शक्ती देशाच्या विकासासाठी महत्वाची असल्यामुळे त्यांच्याकडे दुर्लक्ष करून चालणार नाही. देशाच्या विकासात महत्वाची भूमिका असलेल्या महिलांसाठी ग्रामीण व शहरी भागामध्ये शासनाच्या विविध योजनांच्या माध्यमातून आर्थिक सहकार्य केले जात आहे. महिलाच्या आर्थिक विकासासाठी विविध सामाजिक संस्था कार्य करत असून त्याव्दारे शेती व शेती पूरक व्यवसायाला चालना दिली जात आहे. वेध फेडरेशनच्या माध्यमातून महिला आर्थिक , सामाजिक, वैचारिक सक्षमीकरण करण्याच्या अनुषंगाने काम करीत आहे. महिलांचे जीवनमान उंचावण्यासाठी त्यांना उद्योजकतेची जोड देणे महत्वाचे आहे. महिलांना व्यावसायिक प्रशिक्षण देऊन त्यांच्यामधील उद्योजकाला बळकटी देण्याचे महत्वाचे काम वेध करत आहे. ग्रामीण भागामध्ये प्रत्येक गावामध्ये एक महिला उद्योजक तयार झालेस त्या गावाचा विकास होण्यास मदत होत आहे. उद्योगामुळे ग्रामीण भागामध्ये मोठ्या प्रमाणात प्रत्यक्ष व अप्रत्यक्ष रोजगार निर्मिती होईल. वेध फेडरेशनच्या माध्यामतून महिला सक्षमीकरण , आरोग्य सुविधा, स्त्री-पुरुष समानता, सर्वधर्मसमभाव, व्यावसायिक प्रशिक्षण, शासकीय योजनाची माहितीचा पचार व प्रसार करणे, ग्रामीण भागामध्ये व्यवसाय उभारणी करणेसाठी सहकार्य करणे, ग्रामीण भागामध्ये रोजगार निर्मिती वाढविणे, जेष्ठ नागरिक संघ स्थापन करणे, महिला बचतगट निर्मिती करणे, गावोगावी वाचनालय सुविधा तयार करणे अशा विविध सामाजिक उपक्रम राबवीत आहे.