महिलांना ग्रामीण भागामध्ये दुय्यम स्थान देण्यात आले आहे.  समाजामध्ये पुरुषाला जे स्थान आहे त्याच प्रमाणे स्त्रीला सन्मान मिळायला हवा, महिलांच्या कौशल्याचा विकास होऊन सक्षम समाजाची निर्मिती व्हावी यासाठी संस्था कार्य करीत आहे.

शिक्षण हे स्त्रियांच्या सक्षमीकरणासाठी सर्वात शक्तिशाली साधनापैकी एक आहे, कारण ते त्यांना ज्ञान, कौशल्ये आणि आत्मविश्वास प्राप्त करण्यास मदत करू शकते. जे त्यांना त्यांचे जीवन आणि त्यांच्या कुटुंबांचे आणि समुदायांचे जीवन सुधारण्यास मदत करू शकते .

समाजामध्ये वाढलेली बेरोजगारी आर्थिक विषमता निर्माण करत आहे. त्यामुळे समाजामध्ये दुफळी निर्माण होत आहे. हि विषमता दूर करण्यासाठी सक्षम पर्याय उपलब्ध करण्यासाठी काम करणे गरजेचे आहे.  ग्रामीण भागाच्या विकासासाठी महिला बचतगटांची निर्मिती करून त्यांचे संघटन करणे.

वाढत्या लोकसंख्येमुळे शेती उत्पन्नाची मागणी मोठ्या प्रमाणात वाढली आहे. यामुळे शेतीत कमी कालावधी मध्ये जास्त पिके घेता यावी, यासाठी रासायनिक खतांचा वापर मोठ्या प्रमाणात वाढला. त्यामुळे शेतीचा पोत खराब होत आहे. परिणामी त्याचा परिणाम मानवाच्या शरीरावर मोठ्या प्रमाणात होऊ लागला आहे.

समाजामध्ये बंधुभाव निर्माण करून राष्ट्रीय एकात्मता साधण्याचा प्रयत्न करणे. बलशाली व समृध्द भारत देश निर्माण करण्यासाठी सहकार्य करणे. समृध्द भारतासाठी निरोगी, सक्षम व बलवान संस्कारक्षम पिढी निर्माण करणे.  राष्ट्राची मानवी शक्ती वृद्धींगत करून जीवनमान उंचाण्यासाठी प्रयत्न करणे.

ग्रामीण भागामध्ये मोठ्या प्रमाणात बेरोजगारी वाढत आहे. ग्रामीण भागामध्ये प्रामुख्याने शेती हा प्रमुख व्यवसाय असून त्याच्यावर कुटुंब चालवणे शक्य नाही. यासाठी ग्रामीण भागामध्ये लघु , कुटीर व अन्न प्रक्रिया उद्योग उभारून जास्तीत जास्त रोजगार निर्मिती करणे गरजेचे आहे.